Сёлета ўвялі змены па падатках на нерухомасць, зямлю і транспарт. У АРІП растлумачылі, што трэба зрабіць, каб правільна іх плаціць

У АРІП растлумачылі, як беларусам выплачваць маёмасныя падаткі паводле новых правілаў. Нагадаем, сёлета ўвялі змены што да збораў на нерухомасць, зямлю і транспарт.

Нагадаем, з 1 студзеня гэтага года прынялі змены што да аплаты транспартнага збору, а таксама падатку на нерухомасць і зямлю. Так, з’явіўся адзіны плацёж для гэтых падаткаў. Гаворка пра тое, што падаткавікі будуць выстаўляць агульную суму да аплаты гэтых збораў, а не дасылаць тры розныя плацёжкі, як гэта адбываецца цяпер.

Пасля гэтага з 1 чэрвеня ўвялі новую форму плацёжкі для гэтых трох падаткаў.

У АРІП растлумачылі, як выплачваць маёмасныя падаткі паводле новых правілаў. Так, трэба выбраць у гэтай сістэме раздзел «Падаткі», пасля чаго знайсці патрэбныя вобласць/раён/горад. Потым адшукаць інспекцыю МПЗ па месцы вашай рэгістрацыі — гэта важны момант, бо аб’екты нерухомасці і зямельныя ўчасткі могуць знаходзіцца па розных адрасах (нават у розных абласцях краіны).

«Неабходна паказваць уліковы нумар платніка (УНП), які падатковая інспекцыя прысвойвае платніку, у тым ліку фізічнай асобе, — удакладняюць у АРІП. — УНП ёсць у паведамленні ад падатковага органа. Без УНП фізічная асоба не можа выплаціць падаткі. Складаецца УНП з дзевяці знакаў. Першыя дзве літары — вялікія англійскія (лацінскія. — Заўв. рэд.).

Падаткі за 2024-ы трэба выплаціць да 15 лістапада гэтага года.

Чытайце таксама