На Wildberries продажы беларускіх тавараў за мяжой прыкметна падскочылі. Што бяруць часцей за ўсё

У найбуйнейшым расійскім маркетплэйсе расказалі пра істотны рост продажаў беларускіх тавараў за мяжой праз пляцоўку Wildberries, а таксама назвалі самыя папулярныя ў замежнікаў айчынныя брэнды, піша Myfin.by.

Як паведамілі ў кампаніі, на анлайн-пляцоўцы аб’ём продажаў беларускіх тавараў за межамі краіны ў студзені — жніўні 2024 года вырас да 1,2 млрд беларускіх рублёў, што на 42% больш у параўнанні з узроўнем аналагічнага перыяду папярэдняга года.

Істотней за ўсё павялічыўся попыт на айчынныя садовыя інструменты, садовую тэхніку, тавары для дзяцей, спартовае харчаванне і касметыку, а таксама аўтатавары, будматэрыялы, тавары для святаў і канцылярскія прыналежнасці.

Лідарамі продажаў па катэгорыях сталі «Адзенне», «Прыгажосць», «Бялізна», «Мэбля» і «Тэкстыль для дома».

Самымі папулярнымі на Wildberries у замежных карыстальнікаў сталі такія беларускія брэнды, як AMI (мэбля), Mark Formelle (штодзённае адзенне і трыкатаж), «Беларускія шпалеры», CONTE Elegant (трыкатаж), Milavitsa (жаночая бялізна), NEVERLATE (спартовая вопратка), «Палессе» (цацкі), а таксама LUXVISAGE, «Беліта» і RELOUIS (касметыка).