1. «Адчуць сябе маленькімі лэдзі». Дзіцячыя конкурсы прыгажосці больш небяспечныя, чым дарослыя, — але бацькі па-ранейшаму аддаюць туды дачок
  2. Лукашенко в очередной раз оскорбил Зеленского. Политику «прилетел» колкий ответ из Киева, который поймет едва ли не каждый беларус
  3. В Латвии хотят частично закрыть пункт пропуска «Патерниеки» — «Григоровщина». В чем причина
  4. «Сотрудница взяла мой телефон, сняла чехол и посмотрела, что под ним». Рассказываем, какая обстановка на границе с соседними странами
  5. Появилось расследование о еще одной резиденции Лукашенко. Рассказываем интересные факты
  6. Рекорд по доллару, который никто не ожидал: прогноз по валютам
  7. «Автократы в Москве и Минске будут праздновать кончину». Американские власти исполнили мечту беларусских
  8. Сбежал из суда, отобрав пистолет у конвоира, и годами был в бегах. Вспоминаем историю «самого дерзкого преступника Беларуси»
  9. «Нужны врачи». Кочановой пожаловались на дефицит медиков
  10. Зеленский сменил начальника Генштаба ВСУ
  11. Российские военные блогеры поймали Владимира Путина на очередном вранье. Что в этот раз
Читать по-русски


У судзе швейцарскага кантона Санкт-Гален завяршыўся працэс над беларускім экс-спецназаўцам Юрыем Гараўскім, якога абвінавацілі ў датычнасці да выкрадання і забойства палітычных апанентаў Аляксандра Лукашэнкі — былога міністра ўнутраных справаў Беларусі Юрыя Захаранкі, экс-кіраўніка Цэнтрвыбаркама Віктара Ганчара і бізнесоўца Анатоля Красоўскага. Вердыкт суда вынесуць у пісьмовым выглядзе на наступным тыдні — асобнага паседжання для абвяшчэння прысуду не будзе, паведамляе «Новы час».

Юрия Гаравского привезли в суд под охраной швейцарских спецслужб. Фото: "Новы час"
Юрыя Гараўскага прывезлі ў суд пад аховай швейцарскіх спецслужбаў. Фота: «Новы час»

Пракурор напярэдадні заявіў, што ў судзе прадставілі дастаткова доказаў віны Гараўскага, і папрасіў асудзіць яго на тры гады пазбаўлення волі, два з якіх — умоўна, з выпрабавальным тэрмінам чатыры гады.

Пракурор таксама палічыў, што Гараўскі не можа быць экстрадыяваны ў Беларусь.

Прадстаўнік сем’яў палітыкаў, у датычнасці да знікнення і забойства якіх абвінавацілі Гараўскага, у сваім выступе падтрымаў пазіцыю пракурора адносна віны абвінавачанага. Ён таксама заявіў, што экс-спецназавец мусіць выплаціць 200 тысяч швейцарскіх франкаў (крыху больш за 200 тысяч еўра) сваякам загінулых у якасці кампенсацыі, і яшчэ па 5% ад гэтай сумы за кожны год з моманту іх знікнення — з 1999 года.

Сам Гараўскі ў апошнім слове папрасіў не выносіць яму занадта суровы прысуд.

— Шаноўны суд, вы зараз будзеце прымаць рашэнне. Калі вы вынесяце жорсткі прысуд, ніхто ў свеце не будзе паведамляць пра злачынствы ўладаў.

Прыношу прабачэнні блізкім і сваякам загінулых, спадзяюся на справядлівае пакаранне з боку швейцарскага суда, — сказаў Гараўскі.

Пры гэтым абарона, прызнаючы ўдзел экс-спецназаўца ў інкрымінаваных яму злачынствах, настойвала на тым, каб яго прызналі невінаватым. Як заявіла адвакатка, тэрмін даўнасці па злачынствах скончыўся — інфармацыя пра выкраданні і забойствы Захаранкі, Ганчара і Красоўскага была апублікаваная рознымі крыніцамі, у тым ліку еўрапейскімі структурамі, яшчэ ў 2001 годзе.

Дочь Юрия Захаренко Алена Захаренко (слева) и дочь Анатолия Красовского Лера Красовская перед судом над Гаравским. Фото: "Новы час"
Дачка Юрыя Захаранкі Алёна Захаранка і дачка Анатоля Красоўскага Лера Красоўская перад судом над Гараўскім. Фота: «Новы час»

Дачка Юрыя Захаранкі Алёна, якая прысутнічала на судзе, ў каментары «Новаму часу» адзначыла, што знаходзіцца тут — яе маральны абавязак перад бацькам і іншымі сем’ямі і людзьмі, якія пакутуюць ад рэпрэсій у Беларусі.

— Насупраць мяне сядзіць чалавек, які бачыў апошнія хвіліны майго бацькі. Гэта цяжка вытрываць любому чалавеку, нават таму, хто не мае да гэтага працэсу ніякага дачынення. Так, цяжка, так, балюча, але я павінная прайсці гэты шлях, грамадства мусіць ведаць пра зверствы, якія дзеюцца ў Беларусі, якая рэпрэсіўная машына існуе. Праз 24 гады мне выпала такая магчымасць, і мы пойдзем да канца і зробім усё магчымае, каб паўплываць на тое, што цяпер адбываецца ў маёй краіне, — сказала Алёна Захаранка.

Хто ініцыяваў суд над Гараўскім?

Увесну і ўвосень 1999 года ў Беларусі зніклі былы міністр унутраных справаў Юрый Захаранка, экс-кіраўнік Цэнтрвыбаркама Віктар Ганчар і бізнесовец Анатоль Красоўскі. Афіцыйнае расследаванне іх знікнення выніку не дало, праз 20 гадоў яго наогул спынілі. Хоць яшчэ ў 2004 годзе спецдакладчык Парламенцкай асамблеі Савета Еўропы (ПАСЕ) Хрыстас Пургурыдэс, вывучыўшы ўсе абставіны, прыйшоў да высновы, што Захаранку, Ганчара і Красоўскага выкралі і забілі байцы САХРа пад камандаваннем падпалкоўніка Дзмітрыя Паўлічэнкі з ведама кіраўніцтва краіны. Такой версіі прытрымліваюцца і родныя зніклых, але даказаць яе пакуль не ўдалося.

Адным з меркаваных удзельнікаў выкрадання быў Юрый Гараўскі, пра што ён публічна заявіў у 2019 годзе ў інтэрв'ю Deutsche Welle. Ён у падрабязнасцях расказаў, як у траўні 1999-га ўдзельнічаў у выкраданні былога міністра ўнутраных справаў Юрыя Захаранкі, а ў верасні таго ж года — экс-кіраўніка ЦВК Ганчара і прадпрымальніка Красоўскага.

Інтэрв'ю, што выйшла ў снежні 2019 года, легла ў аснову справы, якую ініцыявала праваабарончая арганізацыя Trial International.