Праект рэспубліканскага бюджэту на 2023 год апублікавалі на Нацыянальным прававым інтэрнэт-партале. Закладзены дэфіцыт на наступны год перавышае 3,1 млрд рублёў. Дэфіцытным бюджэт вярстаецца чацвёрты год запар.
Выдаткі рэспубліканскага бюджэту на 2023 год запланаваныя на ўзроўні амаль 36 млрд 536,2 млн рублёў, а даходы — на 3 млрд 173,8 млн рублёў менш. Гэта значыць, што на такім узроўні прагназуецца дэфіцыт дзяржбюджэту.
Да прыкладу, з рэспубліканскага бюджэту ў кансалідаваныя бюджэты рэгіёнаў збіраюцца накіраваць датацыі на 4 млрд 946,4 млн рублёў. Да прыкладу, у Віцебскую вобласць — 1,2 млрд рублёў, у Магілёўскую — амаль 1,2 млрд рублёў, а ў Гродзенскую — амаль 680 млн рублёў.
Нагадаем, на 2022 год быў закладзены дэфіцыт дзяржбюджэту на ўзроўні 2,9 млрд рублёў (на 2021 год — 4 млрд рублёў).
