Праваабаронцам цэнтра «Вясна» вядомыя імёны 14 палітвязняў, якія выйшлі на волю па памілаванні 4 верасня.
«Праваабаронцам вядомыя прозвішчы 14 вызваленых палітвязняў. Нагадаем, што мы па-ранейшаму падтрымліваем інфармацыйную цішыню для бяспекі вязняў, таму пакуль не публікуем прозвішчаў вызваленых», — паведамілі ў «Вясне».
Нагадаем, пра памілаванне яшчэ 30 палітвязняў стала вядома 4 верасня. Сярод іх сем жанчын і 23 мужчыны. Большасць з іх — бацькі няпоўнагадовых дзяцей. Гэта другі ўказ пра памілаванне за апошні месяц.
Раней, 16 жніўня, Лукашэнка памілаваў першых 30 чалавек, асуджаных за «злачынствы пратэснай накіраванасці». У іх ліку — 14 жанчын і 16 мужчын. Некаторыя маюць сур’ёзныя захворванні.
Чытайце таксама
