Лайнер «Даследчык мораў» кампаніі Royal Caribbean трапіў у моцны шторм падчас 12-дзённага круізу з Барселоны ў Флорыду, піша New York Post.
Паводле відавочцаў, у той момант пасажыры спрабавалі ўтрымацца на нагах, некаторыя крычалі, а прадметы на караблі падалі на падлогу.
@digitalnomado Cruise hot a squal in Atlantic Ocean and tilted 45 degrees in to the ocean #neardeath #cruiselife ♬ original sound — Digital Nomads Around th world
«Гэта было падобна да „Тытаніка“. Я думаў, што гэта можа быць канец і карабель пойдзе пад ваду, — расказаў адзін з перапалоханых пасажыраў пра трывожны нахіл карабля на 45 градусаў. — Я дастаў тэлефон і даслаў калегам паведамленне, што не ведаю, што адбудзецца. Я пісаў сваё апошняе паведамленне, думаючы, што памру».
Выданне адзначае, што падчас шторму пацярпеў адзін чалавек на борце, праз што судна незапланавана спынялася ў Лас-Пальмасе, каб аказаць яму дапамогу.